منتديات أبودليق
أخي الحبـيب ... الزائر الكريم ... حبابك عشرة بلا كشرة تفضـل بـدخـول دارك فعز الله مقدارك ولك من إدارة المنتدى ومن كل أهل أبودليق الطيبين التحية والتقدير فأنت من تساهم برفعة أبودليق والإعلاء من شأنها نتمنى لك وقتا سعـيداً بين أهلك وأخوانك ــ تفضل بالدخول ــ فلا تنسى نطق الشهادتين والصلاة على النبي :
(( لا إله إلا الله محمد رسول الله ))
(اللهم صلي على سيدنا محمد وعلى آله وصحبه وسلم)

انضم إلى المنتدى ، فالأمر سريع وسهل

منتديات أبودليق
أخي الحبـيب ... الزائر الكريم ... حبابك عشرة بلا كشرة تفضـل بـدخـول دارك فعز الله مقدارك ولك من إدارة المنتدى ومن كل أهل أبودليق الطيبين التحية والتقدير فأنت من تساهم برفعة أبودليق والإعلاء من شأنها نتمنى لك وقتا سعـيداً بين أهلك وأخوانك ــ تفضل بالدخول ــ فلا تنسى نطق الشهادتين والصلاة على النبي :
(( لا إله إلا الله محمد رسول الله ))
(اللهم صلي على سيدنا محمد وعلى آله وصحبه وسلم)
منتديات أبودليق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اولاد مصطفى

اذهب الى الأسفل

اولاد مصطفى Empty اولاد مصطفى

مُساهمة من طرف طلحةحسن حاج علي الخميس 9 يناير 2014 - 20:56

بسم الله الرحمن الرحيم

            اولاً معذرة على الانقطاع عن المنتدى لفترة ليست بالبسيطة لاسباب لا يسع المجال لذكرها ... واوعدكم اننى سأظل مداوماً ان شاءالله على المشاركة والمناقشة
          اخوكم متشوعر وليست شاعر واحب الكل يدينى رايو بصراحة فى الكلمات اللاحقة .... جمعتنى الحياة مع نفر من قبيلة البطاحين البتقاب وكانوا نعم الاخوة ما جعلنى اكتب هذه الرباعيات
 
اهلى العرضهم وافر مجرجر ديمة
من احسن صفات لابسين ثبات وعزيمة
جوداً مو فشر موروث وفيهن شيمة
جارن بكرمو ومابضوق غلب لا ديمة
***********
بطاحيناً عزاز اهلى البحقو القول
عالين هامة اسياد عز وسيف مسلول
جود وشجاعة فاتو الناس شهامة وطول
نجاض فى الباس دوابياً حوافى تجول
***********
اهلى الفضلهم فى الزين عبارو موفر
نفوساً طيبة تألف مى الطباعا منفر
خيولن فى الدواس بجيك جموعا تدفر
ظاهرين غر جباه فيها الوقار متوفر
*************
بين فضلهم بين الخلوق معروف
قلوبن سالطة ما بعرفو اللوز والخوف
ان عاشرتهن ناقع الكرم بتشوف
بعزوك النجاض الطبعهم مالوف
************
جميع اهلى الشكر حقوهو بى افعالن
كبير وصغير على الواجبات بتعجب حالن
كرم من ربى دون الناس جميلة خصالن
معروف فضلهم دايماً مبطَر جارن
************
بتق اسمو ظاهر فى البطاحين بين
كرم وشهامة إيدو تحل وجيبو يديِن
من عارفتهم فى العز كفوفى تهيِن
ما نم مستضيم محتاج وهام مدين
*********
اولاد مصطفى الفرسان اصول الضكرة
ماهن غوش عريب فى الضيف بكوسو الشكرة
اسياد عز قديم فى الجود وليهن ذكرى
على ضيف الهجوع بجيك جموعن تكرى
***********
فيهن ابوالامين دفع الله جودو مشاتر
رفيق اخوان براشى الجار ويكرم الخاتر
صاحب راى سديد فى الشبكة سيفاً باتر
للضيفان دوام سكينو دمها قاطر
**************
عندو معزة فى قلبى ومحبة شديدة
اسال ربنا يمتِن حبالا ويزيدا
يمين اكرمنى بى اخلاص وهمة اكيدا
فاض بحرو وطمح اسقانى عزة وريدة
************
صنديداً هميم فى الحارة سالط وقوُى
قدم واعطى بازل فى ام قدود ومسوى
بفرح بالضيوف وان كترو وجهو بضوى
جرق شيل اخوى ما بهم بشيلا تكوى
***************
قدر ما اقول يمين فى حقو ما بوفيهو
جميع اوصافو فى الزين مافى من تشنيهو
بعز الخوة ... بحسب للبتشبه ليهو
مالى لسانى فى القول طيبو موجود فيهو
**************
صاحبى الداخرو لى محن الزمان واقدارو
نفسو عفيفة يعلو على السماك مقدارو
جرق شيل وبضبح للدعول فى دارو
سعيد البعرفو وبخت السكن فى جوارو
************
عند الواجبة صاحبى المال بهينو ويخربو
منو ابليس بعيد فى فارغة ما بتعتربو
كرماً طبعة فيهو .... الناس بتتفشرو
فصل توبو من احسن صفات وقدلبو
*************
ابوالحسن الاصم راجلاً سخى ومبروك
سريع فى الواجبات ما بيرجى قولة عوك
فى الفزعات هميم حفيان بخوك الشوك
جزم فى منازلو بى وجوه صارة ما برجوك
***********
زينين كلهن فرسان تلوباً قوة
بنجدو بى نشاط الصاح وقال يا مروة
فى النايبات جبال ما بينسو شرط الخوة
صغيرن بكرم الضيف منو مابخش جوة
*********
              المربوعة الاخيرة هذه نظمتها فى صاحبى ابوعلى وهو ابن اخت اولاد مصطفى المذكورين اعلاه

نسلك فى الكرم فايت قبيلة حاتم
ابواتك رتوت فى الحارة ما بتشاتم
ايدك للضعاف مطر السوارى العاتم
حقيت قولى يا قمر الظلام القاتم






طلحةحسن حاج علي
طلحةحسن حاج علي
وسام الأوفياء
وسام الأوفياء

عدد المساهمات : 153
تاريخ التسجيل : 19/02/2010
العمر : 43
الموقع : منتديات أبودليق

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى