ودالشلهمة يمدح رفيقو

ود الشلهمة يمتدح صديقه الوفي الذي قام بواجب بيته كاملاً أثناء فترة مرضه وأضياً لازمه خلال فترة وجوده في المستشفى فقال فيه :

رفيقي الواجبة باذل ليها دمك ومالك
وفي وكر الهرف كضب البقع قبالك
فرسان المواقع الصعبة عمك وخالك
أبوك زرعك مناصح طينة ما لفالك

رفيقي الدنيا ما سوت هوس في راسو
رفيقا راسو مو قرعوبة جابر ساسو
رفيقا ضارعو بالهاشمي وعرفت قياسو
رفيقا في البشوفن مافي تب ود كاسو

رفيقا اصلو ماظنيتو يقطع يلومك
رفيقا يقل طمع نفسو ويندر كومك
رفيقي ان جيتو مضكر كرب قدومك
بتمرق منو عريانا بشيلها هدومك

رفيقا مو الطرورة وعلي التفيهة بدلك
رفيقا مالو ليك وان انقبضت بحلك
ما بدورك ملان ويعاف يباسك وقلك
رفيقي الواجب ان نطيت حدودو بذلك

مو صايع المجالات تم كاسو وعب
ومو الورل البهشك وبالفراغ بتنبا
كان الجو حما اتعكر صفاهو ارب
من ردك تحود ناسا غلاد وتلبة

ماك صايع المجالات وفي الصقيعة تزح
وماك كضاب تقول الفارغة تابا الصح
ماك كلب الرواكيب البتاكل المح
اب درقة الملان سما بضر ويوح

ان واعد صديقا حاشا موكضاب
وان امنتو سرك يقفلو كيلون باب
قلبك مااتنفض شايل ضلعتك شاب
يا اب هحبة الغداك من السمان وغواب

مو النعجة البغشك وينقلب يتعذر
على الدبر اب وعا بشيل التقل ما اتفزر
مالا غير شكر ان شاء الله سيدو معقر
ان مات مو فقد موعتودا نقر

اتعبتك تعب موت وانت عندك راحة
اخلاص من ضميرك ببشاش وسماحة
اياك توب قدلتي الخايلة في اللفاحة
نفرا توزن الجمهور عبار ومساحة

وقاسمتك مقاسمة الوريث في حقوقك
وانتاجات فوايدي ببضعن من سوقك
يا اب درقة الموشح بالسواميت طوقك
يفداك عمري كان احتاج قرينك يسوقك

ايدك في خراب كوم القروش ملهوفة
وسراقاً عطيتك زول حرام ما بشوفها
لباي البتصعب في ليالي السوفة
قلبك للقلوب فيهو اختلاف مو دوفة

ودمتــــــــــــــــــــم

ودحيدوب