ودالشلهمة يمدح الشيخ طه ودالشيخ الأمين

ود الشلهمة
يمدح الشيخ طه ودالشيخ الأمين

إيديك في الدّفع من بعضهن بندسَّـن
لى مَرضى الإله بى بُخـُل ما توصَّـن
دُروبَـك ياخريـف الرّازة ما بنقصَّـن
على الدّايرنهن صِعبَن خلاص واتقسَّن

إيدك ما تحُودبَت لى ليم القرش وانحكـَّت
بيناتِـن خـَصَـامَة ً بى صُـلح ما نفكـَّت
دفـّاع البتـصهـل وباللجـام انشــكـَّت
ضبـّاح المِسيلة ماهـا المِفِلسَــة العكـَّت

ماشـفناك ملهوف في الدنيّة وطايـــر
وشــك عند مقاساة الشدايد نايــــر
بى شــيمة الكرم يوماتي قِدرَك فايـــر
تتبســم محـل ماتـشوف عشيما ً دايـر

دفـّاع أب سبيبا ً جرّ لى ســــــيقانو
قوّى يقينــو في الله ونضيـــف إيمانو
كان البرامكة الفاتــــو حضروا زمانو
ليهو بعـترفوا وقف الله الرجح ميزانو

ودمــــــــــتم

ودحيدوب