العملاق الأستاذ / الفاتح يوسف جبرا ... أشهر كاتب في السودان
صفحة 1 من اصل 1
العملاق الأستاذ / الفاتح يوسف جبرا ... أشهر كاتب في السودان
عنوان المقال : ( الفاتح جبرا على لسان أحبائه ومعجبيه )
من رابع المستحيلات في الخرطوم هذه الأيام .. الحصول على عدد "السوداني" يوم الجمعة بعد الساعة العاشرة صباحا...
الكلام ده بدون مبالغة ... ولو سألت أي بتاع جرايد كيف الجريدة تخلص الساعة عشرة ... حيرد ليك زي ما ردوا علي "الفاتح جبرة يا معلّم .. انت ما واعي ولا شنو ؟؟؟"
هو بالتأكيد ظاهرة لا يمكنك إغفالها ، هو الموضوع الأساسي طوال يوم الجمعة ونهار السبت وربما طوال بقية الأسبوع ... لا أعتقد أن هناك كاتب في السودان تباع الجريدة باسمه سوى الفاتح جبرة ...
قراء "السيناريو" هم من كل الأعمار وكل الخلفيات والثقافات والمستويات ... كهول ورجال وشباب وحتى الأطفال ... فلا تستغرب إن رأيت الأطفال بيكوركوا أثناء اللعب " الجلد الانتعاشيييي"، لا أعلم إن كانوا قرؤوا سيناريو الأستاذ أم أنهم يرددون ما يسمعونه من كبارهم لكن هذا الأمر هو بالتأكيد دليل على التأثير والانتشار الهائل لكتابات الفاتح جبرة ...
أنا – عن نفسي – عندي طقس خاص مع السيناريو الأسبوعي ... ما بقراه أبدا يوم الجمعة ... باحتفظ بيهو طوال الأسبوع لغاية ما يوم تكون قافلة معاي القفلة اللي هي ، أقوم أقراهو ... وبالجد ليهو مفعول السحر حقيقة ، لا أعرف كيف يمكن تكريم الأستاذ الفاتح ... لكني أعتقد أنه أحد القلائل الذين يستحقون التكريم ويستحقون أن يوصفوا بأنهم "مبدعون" ...
على العموم، التكاريم "والحاجات دي" تأتي من ناس قد لا يعرفون تأثير الفاتح جبرة جيدا ... لكن التكريم الحقيقي للأستاذ – وأعتقد أن هذا هو ما يهمه - هو هذه البسمة التي يرسمها على شفاه المساكين والشقيانين نهار كل جمعة.
كسرة: الكلام طالع ملخبط وما منظم ، لكن موضوع "الشاشة" حق جريدة الليلة ده .. خلاني لازم أكتب أي حاجة عشان أقول للأستاذ الفاتح جبرة ... "شكرا"
elfatih.gabra@gmail.com
ودعتكم الله ،،، لمن نتلاقى في موضوع جديد
مواضيع مماثلة
» آخر مقالات الأستاذ الفاتح جبرا
» من أجمل ما كتب الكاتب الساخر الفاتح يوسف جبرا
» عريس معصب وشوفوا ايش كاتب بكروت الدعوه
» صورة الشيخ الحسن ووالدي الأستاذ صديق طلحة
» الرجل العملاق !!!
» من أجمل ما كتب الكاتب الساخر الفاتح يوسف جبرا
» عريس معصب وشوفوا ايش كاتب بكروت الدعوه
» صورة الشيخ الحسن ووالدي الأستاذ صديق طلحة
» الرجل العملاق !!!
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى