حوار ودالشلهمة وحماره

عمر ود الشلهمة:

امــانــة تـسـجـمـك تــتــحـاكــة
اكل الصافي يابوتيرة ما قواك

والحمار:
امانة مافي وشين داير يسيلي دعاك
حفر ايدك بــراك النجمــك قـضـاك

عمر:
انا كان عارفك قبيل بالحالة دي وبدراك
ماتلومني ان بقيت في الفرقـة مابغـشاك

الحمار:
غايــتـو وكــت الــمــولــى فــي لــمــاك
ان طرت وان جريت مالي طريقة براك


عمر:
عيونك غورقـن ظهر الكـبر مساك
مو نافعك علاج والكلفة مي فايداك

الحمار:
دا خازوق اخوك المقلـبك غشـاك
السجم ال يكيلك والتراب يحشاك

عمر:
متيــبـس ضنـيـبـو جابـلـو لــفـة ولـيـة
جبيهتواتكرمشت ماخدالة شطة وطـية
اضــنيهـو اتـهـدلن فـوق الوجن مكفية
سـنونـو اتـسـللـن لكــيـن لـهاتـو قـوية

الحمار:
تـعـال يـاعـمـر لامـن مــسـيـلـك ديــة
انا يـمـكـن قـبـيـل جـابـونـي لـيك هديـة
دا مـو رايـك بـراك يـا عـادم الـعـقـليـة
ماك كايس الرخيس بركة اللقيتلك كيـة




عمر:
تعيينك مرتب تاكلو صباح وعشية
فـد يـوم ماحـصـل جاك انقفالة نية

الحمار:
اكــلك يـطيـر مـرجـلـت بيـهـو اضنيـة
ما بـاخـد النهار ساساقة فـوق كـرعيـة
عيـشك مـو دريـش اكـلك اذانـي اذيــة
انا مابقيت كبيرماتشوفلي حاجة طرية

عمر:
ات عارف خلاس سنتك تساب ومرية
تــفـطـر بي نشا وتتـعشى بي طحنـية