كوم نكات

والله يا ود المبارك نكاتك جميلة بالجد
والله لاكييييييييييين حامد بالغ قعد يلخبت في الصف
وجهجه صاحبنا العسكري
فكومك دا خت لي معاهو الحرباشة دي

بايرة قالت لي واحد تعال نلعب دسوسية
لو لقيتني تعرسني ولو ما لقيتني أنا ورا الدولاب

****************

مسطول شاف لافتة مكتوب عليها " التطعيم ضد الجدري"
قال: ديل لاعبين متين؟

****************

واحد سأل مسطول قال ليو لو سمحت عاوز أوصل المستشفى سريع .. قال ليو غمد وأقيف في نص الظلط

****************

مسطول وقع في حفرة ، حاول يطلع ثلاث مرات
قال : والله دي آخر مرة إذا ما طلعت بمشي

****************

مسطول مشوكش ....سألوه عن أجمل بيت شعر شنو؟
قال : كلّما نربِّي كتكوت.....يكبر يفوت

****************

جعلي أول مرة ياكل لبانة....حلف بالطلاق
ما ينوم إلاّ يكمّلا !!!!ا

****************

واحدين مجانين في مستشفى المجانين ساقم الدكتور لحوض السباحة علشان يرفهو شوية قاموا قعدوا كل مرة ينط واحد منهم في الموية ويكوركو وقولو
بصوت واحد : نحن الرز العايم في الحلة
إلا ثلاثة مجانين واقفين يعاينو ساااااكت الدكتور فرح فرح شديد وقال لنفسه لابد انهم بقوا كويسين ونفع علاجي معاهم مشى ليهم وسألهم لي شنو ما قاعدين تنططو مع زملائكم قالو ليهو بصوت واحد :
نحن الرز اللاصق في الحلة

****************

واحد من أهلنا العرب مشى فحص نظره الدكتور طبعاً كل مرة بديهو لوحة عشان يشوف الحروف ويختبر نظره لما طلع قالوا ليهو جبت ستة من ستة قال ليهم والله لو ما الدكتور لخبطني كان جبت أكتر

****************

شيخ بنصح في واحد سكران
الشيخ : النفس دائماً .. دائماً ما تستطيب الحلال حتى أغبى الحيونات الحمار
لو ختيت قدامو جردل موية وجردل خمرة بيشرب من ياتو واحد فيهم؟
السكران : من الماء طبعا..ً
الشيخ "بفرح شديد" : طيب لييييييه ؟
السكران: لأنه حمار يا شيخنا !!!!

****************

مسطول لقوه بيلعب كوشتينة مع حمار ، قالوا ليهو : إنت مجنون !!؟؟ في زول بلعب كوشتينة مع حمار المسطول قال ليهم: والله الما عاجبكم دا غلبني مرتين!!

****************

في واحد قال لأبوه : تعرف يا بابا أنا الوحيد الذي أجاب على سؤال المدرس اليوم ، فقال له الأب بفرح : وماذا كان السؤال ، فأجاب الإبن : السؤال كان : من منكم لم يكتب الواجب؟؟

****************

واحد بلدياتنا جاء البحرين زيارة ضاعت محفظته .. مشى يبلغ الشرطة .. قالوا ليهو : ولا يهمك .. روح عَلى البيت ونحنا بنطلعلك المحفظة من تحت الأرض . وهو راجع شاف بالشارع عمال البلدية قاعدين يحفروا .. قالهم: شدوا حيلكم يا شباب .. المحفظة لونها أسود !

****************

واحد اسمو سليمان الجعلي ساكيهو تور كبير هايج سليمان جاري جري شديد ,جو مرتين ما شات شافو التور جاري عليهم قالت ليها ما في طريقة غير نزغرد لسليمان دا يقوم يقبل يشيل التور ويرقد بيهو في الواطة , قامو زغردوا ايوووووووووووووو وي , سليمان اتلفت عليهم وقال ليهم ابشرن حرم سنة ما يلحقني

****************

حبوبتين جاريات ساكيهن كلب قامت واحدة قالت للتانية ماتدنقري تشيلي حجر تجدعيهو بيهو ردت عليها رفيقتها ما تدنقري انتي مالك جارية فوق برش

****************

تلاتة ما بتلمو مع بعض قاعدين في أوضة واحدة مسطول وعسكري وإمام مسجد المسطول كان عندو مشوار بدري قام وصى الإمام قال ليهو صحيني بدري قام الإمام صحاهو مع الفجر زولنا قام بسطلتو لبس هدوم العسكري بعد طلع الشارع بالنور شاف هدومو قال ما معقول مولانا دا أقول ليهو صحيني يصحي العسكري؟

****************

كديس راكب مع فار في مركب نص البحر ,الكديس قال للفار مالك بتكشح الفار قال ليهو اكشح شنو نحن نص البحر قال ليهو فلسفتكم دي هي البتخلينا ناكلكم

****************

قال ليك واحد مسطول حصل ليه حادث والناس المعاهو كلهم ماتوا الا هو لكن اضنينو مقطع بقي يكورك اضاني اضاني وكل ما يرفعوا ليه اضان يقول دي ماهي لما زهجم قالوا ليه ياخي انت اضانك عامله كيف قال ليهم انا كنت خاتي فيها سيجاره .

****************

مسطول شايل لوح تلج بقلب فيهو
شافو واحد قاليهو مالك يا زول ؟؟؟؟
قاليهو بس بنقط وداير أشوفو مقدود من وين

****************

إتنين مساطيل سايقين ليهم تكسي واحد راكب ورا والتاني سايق الورا سطل سطلة شديدة جو ماشين في شارع النيل السايق شاف الشجرة مضروبة بهية بيضاء وقف قايلة بوليس حركه ..... لمن شافه شجرة ضحك وطلع فاتت .... بعد مسافة الورا سألو قاليهو التافه ده قال ليك شنو ؟؟؟

****************

في واحد مسطول قال لي صاحبو ارسم لي في ضهري مربعات من 1 لحدي عشرين بعد انتهي قال ليهو حك لي المربع رقم (15) .

****************

مساطيل قالوا دايرين يعملوا مظارهة ضد امريكا
لبسوا واحد صورة بوش وحرقو .

****************

مسطول فتح التلاجة شاف الجلي برجف
قال ليهو ما تخاف داير اشرب لي موية ساكت

****************

مسطول ماشي في شارع النيل
قابلوهو ناس التلفزيون ،،،،،،
شبكو يا اخ يا اخ عاين ليهم قال ليهم معاي انا
قال ليهو اي قالوا ليهو رايك شنو في الزواج المبكر
قال لي نعم ،،،،،،،
قالو ليهو رايك شنو في الزواج المبكر ،،،،،،
قال ليهم حوالي الساعة كم كدة ؟؟؟

****************

اثنين بصلو جا واحد داير يصلي معاهم بقي يجر في الإمام لي وراء والإمام واقف قام جا رباطابي قال ليهو ياخي دي الضلفة الفيها الترباس جر التانية.

****************

واحد مسطوووووول لمبتو باظت طلع يصلحا قام عاين ليها كداااااااا وقال
ليها كيفن ما تبوظي وانتي قاااااااعدة لي جمب سلك عريااااااااااان

****************

دنقلاوية سألوها ماذا تعني الدهشة
قالت A بسم الله ، الدهشة ما ولد الهُمار ؟

****************

سكران لاقى ست العرقي في الحج قال ليها : أسألك بالله
وقدام بيتو دا ما تزيدي لينا موية تاني .

****************

مسطول زنقو شيطان في زقاق وما حافظ أي سورة
قام قرا ليهو طلع البدر علينا

****************

مسطول وقع من السلم مشى الدكتور أداهو مرهم قال ليهو امسحوا في موضع الوقعة ؟ قام المسطول مسحوا في السلم !

****************

واحد سمين لدرجة انو ما قادر يسوق، في واحد مسطول في الكنبة الخلفية قال للسواق : يا ابن العم شيل دركسونك دا وتعال معانا بي وراء

****************

واحد عندو سبعه أولاد سمى روحو سفن أب

****************

مسطول قال لي مرتو الدنيا دي عامله زي حديقه الحيوان الزول من
الصباح اصحي زي الحصان وامشي الشغل زي الكلب واشتغل زي الحمار واجي راجع زي ابو القدح واخرتا ساكن مع بقره .

أقعدوا عافية ...

ودحيدوب