الفرجوني وكلاب القنيص
صفحة 1 من اصل 1
الفرجوني وكلاب القنيص
بمناسبة فراش اللخيدر
دي مرثية الفرجوني في كلبه :
***************
ما دوامة يا تمام كيوف الشارع
أصلو الدنيا معدا والمعيشة شوارع
بعد ما كُت سباحاً يمينك ضارع
كِتلت الليلة واتدردقت فوق الشارع
***************
ضربك لوي عاد ينشل يمين السايقو
وينعصر النفس تعدم عليهو طرايقو
متل ما تف زورك قندراني يضايقو
يتفو تفيف ملاح ما يلقى زولاً يلايقو
بعد الكلب ما مات حزن حزن شديد خلاس .
قام مشى لي شيخ المُر وما بينهم معرفة قبل كدا ، لمن اتحكر في المجلس شيخ المُر قالو أشرب حلف قال أصلو لا بشر ولا شيء لامن يتحقق الطلب الجايبو من أهلو ، أها قام شيخ المر قالو أشرب وطلبك مقضي تب ، حتى زولك شرب ، قام شيخ المر قالو سمي طلبك :
***************
جيت من غادي يا فارس الشوارف الغُر
جيت من غادي يا صافي الحناضل المُر
جيتك وعندي فيك أملاً كبير يا المُر
بدور كلباً من الغنم المعادي يجُر
***************
شيخ المر قالو أها أوصاف كلبك الدايرو شني ؟
الفرجوني قالو :
مرخرخ شاتلو لين أرساغ وواسع غُر
باهي وريد منيع ليمان وفي عرقوبو لُون وقُصُر
رقيق قدوم طوال إضنينو ماهن صُر
رهيفاً جلدو زي توب السواكني الحُر
***************
ونواصل ،،،
ودحيدوب
دي مرثية الفرجوني في كلبه :
***************
ما دوامة يا تمام كيوف الشارع
أصلو الدنيا معدا والمعيشة شوارع
بعد ما كُت سباحاً يمينك ضارع
كِتلت الليلة واتدردقت فوق الشارع
***************
ضربك لوي عاد ينشل يمين السايقو
وينعصر النفس تعدم عليهو طرايقو
متل ما تف زورك قندراني يضايقو
يتفو تفيف ملاح ما يلقى زولاً يلايقو
بعد الكلب ما مات حزن حزن شديد خلاس .
قام مشى لي شيخ المُر وما بينهم معرفة قبل كدا ، لمن اتحكر في المجلس شيخ المُر قالو أشرب حلف قال أصلو لا بشر ولا شيء لامن يتحقق الطلب الجايبو من أهلو ، أها قام شيخ المر قالو أشرب وطلبك مقضي تب ، حتى زولك شرب ، قام شيخ المر قالو سمي طلبك :
***************
جيت من غادي يا فارس الشوارف الغُر
جيت من غادي يا صافي الحناضل المُر
جيتك وعندي فيك أملاً كبير يا المُر
بدور كلباً من الغنم المعادي يجُر
***************
شيخ المر قالو أها أوصاف كلبك الدايرو شني ؟
الفرجوني قالو :
مرخرخ شاتلو لين أرساغ وواسع غُر
باهي وريد منيع ليمان وفي عرقوبو لُون وقُصُر
رقيق قدوم طوال إضنينو ماهن صُر
رهيفاً جلدو زي توب السواكني الحُر
***************
ونواصل ،،،
ودحيدوب
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى