مرثية الفرجوني للشيخ محمد صديق طلحة
صفحة 1 من اصل 1
مرثية الفرجوني للشيخ محمد صديق طلحة
برق الخريف ما رف
وانكتح السحاب شايلو الهوا البنزَف
يا حليلو الكريم اللينا باسط الكف
أبو الصديق رحل
*************
يوم جاني الخبر ود عيني قطر تف
زي وابل المطور فوق الصدر هتف
كان حازم القبيلة وحبلو ما اتنتف
كان حافظ كيانو وما مرق ختف
كم حلحل دريك من بعد ما اتكتف
*************
الماهو داب روحو
من فقدوا القلب متشبكة جروحو
يا حليلو البعيش الدايحة في سوحو
والموت من بدا الخربانة دي سروحو
البقاء لله يا بطاحينو لا تنوحو
*************
أزرق ود عظام ناس طلحة يا حليلو
يبكيهو الهواد يوم أنقرن سيلو
يا حليلو الكريم الحقو ساخيلو
أزرف يا دمع بل الجفن كيلو
*************
صاحبابي ورحل حزنا بالفرقة
خلا العين تقطر والقلوب حرقة
دفاع الطويلة السيمتو مي سرقة
كم قدر ضيوف بالشقراء والبرقا
فقاه للردوف أم كبدة زرقا
مع تحياتي ،،،،
ودحيدوب
مواضيع مماثلة
» مرثية ودالشوبلي للناظر محمد الصديق طلحة
» ود الرضي يمدح الشيخ محمد صديق طلحة
» الجاغريو يمدح صديقه الشيخ محمد صديق طلحة ناظر البطاحين
» الفرجوني وكلاب القنيص
» مسدار سـبـعة .. الفرجوني
» ود الرضي يمدح الشيخ محمد صديق طلحة
» الجاغريو يمدح صديقه الشيخ محمد صديق طلحة ناظر البطاحين
» الفرجوني وكلاب القنيص
» مسدار سـبـعة .. الفرجوني
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى