بنك نكات ناااااااااااااااااااااااار

نكات بايخة جداً جداً

مسطول كل ما يجر نفس يبرم طاقيتو.
صاحبو قاليهو : طاقيتك دي لو كانت قلووز كان وصلت كراعك!! .

*********************

مسطول قال لمرتو: الجيران ديل ضابحين ولا إيه ، ريحة الآبري دي شنو ؟؟؟؟

*********************

مسطول الدكتور قال ليهو ولدك ده «بسنن» قال أنا متوقع حاجة زي دي.

*********************

في شلة كل يوم يتسطلو مع بعض ويحكو نكت لقو نفسهم بيكرروا النكت زاتها
قاموا عملوا أرقام للنكت وبقوا يقعدوا يقولوا رقم النكتة ويضحكوا
يوم واحد جاب معاهو ضيف. الضيف لقى الجماعة شغالين
نمرة 1 وضحك شديد .. نمرة 18 ضحك شديد .. نمرة 35 وهكذا ..
الضيف قام طوالي خاشي في الونسة وقال 955 الجماعة كلهم ضحكوا ضحك
مبالغ فيهو الضيف استغرب وقاليهم اشمعنى الرقم بتاعي ضحككم شديد كدا ؟
واحد من الجماعة قاليهو دي جديدة أول مرة نسمعا

*********************

ولد سأل أبوه المسطول
قال ليه : يا أبوي إنت يوم الإتنين الفات كان إجازة ليه ؟
رد عليه : والله ياولدي أظنه صادف يوم جمعة ...

*********************

واحد سأل مسطول كيف اقدر أتعلم الصبر قال ليه امش البيت
وافتح قناة اقرأ وانتظر يجيبوا ليك فيها نانسي عجرم

*********************

واحد سطلنجي إسمو عم طه كان بلفها دايما جنب البحر في أبوروف
كل الناس بيعرفوه فكان بيكون جالس مشغول بالسجارة والناس يمروا
يسلموا (ازيك ياعم طه) وهو يرد من غير ما يرفع رأسو (أهلا يا أخينا)
فمروا مجموعة ازيك ياعم طه (أهلا يا أخينا) ازيك ياعم طه (أهلا يا أخينا)
وفجأة مر واحد ما بعرفو قال ليهو زيك يا اخينا فرد عمنا (أهلا ياعم طه)

*********************

مسطول قامت ليهو حبة فوق عينو وقف قدام المراية
وقال : هسه دي (ع) ولا (غ) أصلو ؟

*********************

مساطيل قاعدين يعوموا في نص الظلط .. جا واحد ماشي واستغرب واتلفت يمين
وشمال ..في واحد قاعد بعيد يتفرج عليهم قال ليه يا ابن العم ما تنصح الجماعة ديل
صاحبك السألوه طلع مسطول قال ليه والله أنا قلت ليهم المكان ده غريق ما تعوموا فيه

*********************

أربع مساطيل راكبين عربية انقلبت بيهم لمن طلعو منها و شافوها مطفجة قالوا
ننفخ في العادم نستعدل العربية...تلاته بينفخو وفي واحد واقف بعيد بضحك
الجماعة أستغربو الزول ده بضحك ليه ؟ سألوهو البضحكك شنو يا زول ؟؟؟؟؟
قاليهم أنتو حمير؟ ............ تنفخوا و القزاز مفتوح ؟

*********************

مسطول عنده حمار ضاع منو .. طلع يفتش عليه قام لاقاهو حمار
الوحش...قال ليهو : خلاص قايل روحك قشرته ما بعرفك؟

*********************

مسطول دخل بيتو لقى عشرة جلابيب مشرورة في حبل
الغسيل وقف قدامهم وقال : استووووووا

*********************

رباطابي سايق عربيتو بسرعة في شارع عبيد ختم جا عند إشارة الشرقي ولعت
احمر وكتبت 99... عاين للإشارة زعلان قال ليها انشالله تدخلك طب الخرطوم.

*********************

تاجر بنقو اتقدم لي بت ، أهلها سالوهو شغال شنو؟ قال ليهم : فني تكييف

*********************

مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اطناشر شوكة ؟

*********************

أستاذ سال تلميذ مسطول ما معنى كلمة سبيل؟ رد التلميذ: طريق ..
المعلم : وسلسبيل؟ قال ليهو ... طر.. طريق

*********************

مسطول احوص دايرين يشنقوهو سألوه : أمنيتك شنو؟
قال: أشوف نفر واحد بس

*********************

مسطول ... لقي اثنين في المقابر بفتشو علي قبر أبوهم وهم
بتغالطوا : ياهو ده لا ما ياهو، ياهو ده لا ما ياهو، قاليهم : انتو دايرين
تدوهو فاتحة ولا مصاريف ؟

*********************

واحد مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا.. لا.. اديني في صحن!!

*********************

مسطول ماشي ورا واحدة مسطولة فكر يقول ليها حاجة
يشاغلها قال ليها : الحلوة وراها مشوار؟
قالت ليهو: الحلوة وراها .........حمااااااااار

*********************

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

*********************

مسطول اشتري عربية شبح جديدة لنج ....وهو سايقها فتح الراديو
سمع هنا لندن، قال انعل ابو السرعة ذاتو

*********************

مسطول فتحوا محطة بنزين جنب بيتهم.....
قال: أخيراً الواحد يقدر يكب بنزين كداري

*********************

مسطول سالوهو ما اصغر شيء في الدينا
قال ليهم : شامة في ضهر نملة

*********************

واحد عندو أرنب عاوز يبيعو جاهو واحد مسطول
قاليهو: القرد ده بكم؟؟ الراجل رد عليهو : دا ارنب ما قرد !
المسطول قاليهو: يا ابو الشباب انا سألت الأرنب ما سألتك انت .