وللكفتيرة كلمة
2 مشترك
صفحة 1 من اصل 1
وللكفتيرة كلمة
هنالك بعض اشعار الدوبيت لاتخلو من الطرافة وما اقدمه اليوم شئ من هذا النوع واحد منا شعرائنا حل ضيفاً على احد اصحابه الذى يعمل فى ملقة الخضار وعزمه على كباية شاى وبعد شرب الشاى اختلف صاحبه مع ست الشاى فى الحساب ماجعله يضرب بفراره الكفتيرة وهنا قالت له ست الشاى كنت تضربنى دى جماد ما بتفهم وكان بجوار سوق الخضار سوق كرار (عدة) جاء مطالباً بالتار وما كان من شاعرنا الا ان صور لنا ذلك الموقف الدرامى فالى مواقع القصة
يا الكفتيرة كفارة المعاش جبار
سببك كلو يا المسكينة اظنو ريال
يا اخوانا الزمن كل يوم بجيب اخبار
دا نكتم سرو والله نكشف الاسرار
الكفتيرة:
انا كان عندى ابو وليدات بجيب التار
واصلو الدنيا كل زول للمعايش فار
طالب حقى لاسرق ولا لعبت قمار
شغلتى شريفه ليه مضروبه بى فرار
قلت :
كفتيرة ام خدود زرفت دموعا قزار
قالت البار خدارو بقوم اضارب الجار
ما ضاربك وليد فارساً عيونو شرار
سولك رقعة تانى ولهمك النار
الكفتيرة:
انا عيشتى تطير انا كان عارفة كنت بترك ريال فى ريال
الا قسمتى شن خبرنى بالاقدار
يا السويت لى دردرت الكديس للفار
عرضتك قطاعت الشاى محدق وحار
الكفتيرة قالت منو دايرة حقوق
مظلومة وكمان مضروبة نص السوق
الفرار مطرق وشايلو تب محروق
ضربنى الكتة قطع فى تلاتة عروق
وقع قمرانة فوقى اتلملمو المخلوق
هزا وبشر الفارس البلاقى العوق
كان ماربى خفف لى المصاب من فوق
كان بكت الكبابى عليها طال الشوق
قلت ليها:
انتى بتبكى فيك شاياً سمح ماببور
والجاهو القدر لابد يبقى صبور
سمحة صفاتا فوق كك الجماعة تدور
وراسا خفيف بى فحماً قليل بتفور
فى شان الله يا المضروبة ساكت جور
حزنان الخضار من بامية لى العجور
قام سوق الكرار زاحف علينا يفور
جاء عمها اسمو جردل كان رجل مشهور
وقف لى جماعتو وثبت الموضوع
وقاليهم انعرف الباقية تمو اسبوع
ما تاذو القبايل بالعطش والجوع
نجاة كفتيرة من فرار بلحسة كوع
شاهيك الجميل فيهو التقول مسحورة
وفى راسك فلقتك ثابتة مى منكورة
اجيمعوا البراريد جملة عقدو الشورة
قالوا الزول دا فارس دية ما بندورة
بعد جات القبايل من صحن لى كورة
بنجيب تارنا الا الشينة مابندورة
كان اخر قرار نمشى المصابة نزورا
بنهنيلا مى خايضة الحرب منصورة
يا الكفتيرة كفارة المعاش جبار
سببك كلو يا المسكينة اظنو ريال
يا اخوانا الزمن كل يوم بجيب اخبار
دا نكتم سرو والله نكشف الاسرار
الكفتيرة:
انا كان عندى ابو وليدات بجيب التار
واصلو الدنيا كل زول للمعايش فار
طالب حقى لاسرق ولا لعبت قمار
شغلتى شريفه ليه مضروبه بى فرار
قلت :
كفتيرة ام خدود زرفت دموعا قزار
قالت البار خدارو بقوم اضارب الجار
ما ضاربك وليد فارساً عيونو شرار
سولك رقعة تانى ولهمك النار
الكفتيرة:
انا عيشتى تطير انا كان عارفة كنت بترك ريال فى ريال
الا قسمتى شن خبرنى بالاقدار
يا السويت لى دردرت الكديس للفار
عرضتك قطاعت الشاى محدق وحار
الكفتيرة قالت منو دايرة حقوق
مظلومة وكمان مضروبة نص السوق
الفرار مطرق وشايلو تب محروق
ضربنى الكتة قطع فى تلاتة عروق
وقع قمرانة فوقى اتلملمو المخلوق
هزا وبشر الفارس البلاقى العوق
كان ماربى خفف لى المصاب من فوق
كان بكت الكبابى عليها طال الشوق
قلت ليها:
انتى بتبكى فيك شاياً سمح ماببور
والجاهو القدر لابد يبقى صبور
سمحة صفاتا فوق كك الجماعة تدور
وراسا خفيف بى فحماً قليل بتفور
فى شان الله يا المضروبة ساكت جور
حزنان الخضار من بامية لى العجور
قام سوق الكرار زاحف علينا يفور
جاء عمها اسمو جردل كان رجل مشهور
وقف لى جماعتو وثبت الموضوع
وقاليهم انعرف الباقية تمو اسبوع
ما تاذو القبايل بالعطش والجوع
نجاة كفتيرة من فرار بلحسة كوع
شاهيك الجميل فيهو التقول مسحورة
وفى راسك فلقتك ثابتة مى منكورة
اجيمعوا البراريد جملة عقدو الشورة
قالوا الزول دا فارس دية ما بندورة
بعد جات القبايل من صحن لى كورة
بنجيب تارنا الا الشينة مابندورة
كان اخر قرار نمشى المصابة نزورا
بنهنيلا مى خايضة الحرب منصورة
طلحةحسن حاج علي- وسام الأوفياء
- عدد المساهمات : 153
تاريخ التسجيل : 19/02/2010
العمر : 43
الموقع : منتديات أبودليق
رد: وللكفتيرة كلمة
يا سلام يا أبوحسن والله دي من بيت الكلاوي
معروف بقيت بالسواهي والدواهي
الله يديك العافية ويخليك لينا
وتقبل خالص التحية على هذه التحفة
ولي قدام
معروف بقيت بالسواهي والدواهي
الله يديك العافية ويخليك لينا
وتقبل خالص التحية على هذه التحفة
ولي قدام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى