نكات طازجة

واحد الدنيا ضارباهو ومعصلجة معاهو
جاتو ليلة القدر كان فى نفسو يقول عايز ابقى زي
صلاح إدريس من اللخمة قال عايز يكون زى إدريس صلاح ..
أصبح من الصباح لقى ليهو كارو بي حمار واقفة جنب الباب

ولد مشى لي سيد الدكان .. و قال ليه: عندك حلاوة؟
سيد الدكان قال ليهو : أيوة
الولد قال ليهو : طيب أدينا بيبسي
الولد مشى و جاء راجع تاني و قال ليه : عندك طحنية ؟
قال ليه: أيوة في
الولد قال ليهو : طيب أدينا سكر
سيد الدكان زعل و مشى كلم أبو الولد
و قال ليهو :ولدك دا عذبنا.. يسأل من حاجة ويقول داير حاجة تانية
أبو الولد زعل و قال ليهو : دا ولد قليل أدب ولازم يتجلد .. عندك بسطونة ؟
سيد الدكان قال ليهو: أيوة موجودة
أبو الولد قال ليهو:طيب أديني سوط عنج

مسطول عملوا معاهو لقاء في التلفزيون
المذيع سأله: ما هو أصعب موقف مرّ بيك في حياتك ؟
المسطول قال ليهو : لمن كنت بحلق في دقني و بلوك لي في لبانة

قال ليك واحد تكاسي راكبة معاهو بنت كل ما بطنو تكركب يروح كاشحا ليك ويضرب البوري شديد
الحكاية دي كررها ليك كم مرة وفجأة كدا جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تاني ماتضربو لينا

قالوا مسطول سوداني قاعد مع مسطول مصري قام قال ليهو : تعرف .. الدنيا دي كلها مآسي ، المسطول المصري قال ليهو : ليه .. هو مقاسك أد إيه ؟

سألوا واحد من ناس أدروب : إيه اللي بيعجبك في قصص الأنبياء والصالحين؟ قال: والله كلها عبر وحكم .. وبالزات قصة أسيادنا أهل الكهف يا سلام عليهم... كبسوها نومة تلتمية سنة .

رباطابي عربيتو غرقت في النيل مشى يعمل بلاغ في الشرطة العسكري قال ليهو غرقت وين العربية دي قال ليهو في شارع الظلط !!!

جماعة رباطاب شايلين ليهم زول تعبان مودنو المستشفى لاقهم واحد ملقوف ، قال ليهم خير يا جماعة إن شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة

واحد جعلي وقع في بير قام جا واحد شايقي نزل الدلو للجعلي ، الجعلي مسك في الدلو والشايقي نشل الدلو لحدي عتبة البير الجعلي شاف الشايقي عرفو من شلوخو قام طلع سكينه وقطع الحبل


جعلي وشايقي تايهين في الخلا .. فجأة طلع للشايقي جني .. شبيك لبيك وأنا بين أيديك .. أطلب أي حاجة بس أي حاجه تطلبها حا أدي الوراك (الجعلي) قدرها مرتين ..
قام الشايقي صنقع ودنقر .. وقال للجني .. بالله قد لي عيني دي .

جعلي سألوا كيف مع الغربة قال من شدة ما حارة صاحبت لي شايقي

مسطول في خطبه الجمعة قاعد جم زول أسود شديد الخطبة طويلة صاحبنا زهجان بعد انتهت الخطبة قاليهم الإمام استووا يرحمكم الله المسطول قال للإمام أنا استويت لكن الجمبي دا حرق عدييييييييييييل

مسطول قاعد جم البحر جا بتاع حركه ماشى
المسطول قال ليه شننننننننو يا اخينا جيت تشوفنى لافيها كيف

مسطول صدم عمود كهرباء قال : الله يلعن ناس المويه ديل ما لقو يختو برج موبيتل إلا هنا ؟!

واحد سال مسطول قال ليه : عليك الله ياخي بتعرف حدائق 6 ابريل وين؟ المسطول قال: حدائق 6 ابريييييل !! حدائق 6 ابريييييل ، ما قالو ليك سنة كم ؟

مسطول اتصل بوكالة سفر سأل السكرتيرة: لو سمحتي الرحلة بين السودان ويوغندا بتاخد كم ساعة؟ قالت ليهو: لحظة بس... قاليها: طيب شكرا!

مسطول ينقنق: السخانة ، السخانة ، والله دا كلو من ناس الكورة ديل شابكننا سودانا فوق سودانا فوق لمن تكلوا بينا جنب الشمس!

مسطول تناول نصف حبة أسبرين. سألوه: ليه؟ قال: عندي صداع نصفي

مسطول قرأ كتاب فلسفة ، مشى لي صاحبو قال ليهو : قل لي من صديقك أقول لك من أنت . سألو صحبو: من صديقك ؟ رد المسطول: من أنت؟

مسطول سأل صاحبو : جرحتي دي كبيرة ولا صغيرة ؟ صاحبو كشف ليها كدااااااااا وقال ليهو : منااااااااااااااااااسبة !

ولكم تحياتي ،،،،


ودحيدوب