نكات لذيذة جد

طالب في المدرسة ابوه وعده انه بيذبح خروف لو
نجح في الامتحان وجاء يوم توزيع الشهادات ...و لما رجع الطالب للبيت ..أبوه سأله أها... بشر ؟؟
قال : ربنا كتب للخروف عمر جديد
* * * *
مسطول سأل موظف الاتصالات : عندكم مفتاح امريكا
رد عليه الموظف : أيوه عندنا
المسطول قاله : اعملوا لي منو نسخة بالله
* * * *
مسطول خطيبته قالت ليه أنا أهم حاجه عندي الإخلاص !
قال ليها : وأنا الحمدو
* * * *
مسطول واحد صاحبو قال ليهو : إذا نحن أتزوجنا الحور العين نسوانا
ديل بودوهن وين ؟؟ رد المسطول : عذاب للكفار
* * * *
مسطول قال لصاحبه :
شنو ياخي الوالد مما اتوفى بقينا ما بنشوفو ؟
في الحافلة فجأة شريط المسجل وقف المسطول سأل الراكب
جنبو: اسمع يا أخينا ود اللمين ده نزل ولاشنو؟
* * * *
مسطول جاء داخل بيتهم بالليل....ابوهو صحي بيه...وعمل
معاهو مشكلة وطردو من البيت....وقفل الباب....قام
المسطول كتب علي الباب بي فحمة...
منزل الدكتور خليل ابراهيم
* * * *
واحد رباطابى عندو غنماية خايف عليها من العين عشان كدة داسيها
من الجيران لكن بالرغم من كدة في واحد من الجيران شاف الغنماية
لكن ما اتكلم بعد فترة الرباطابي قام اشترى ليهو بقرة فريزيان وطبعا
كان خايف شديد وجا ماشي براحة جنب الحيطة عشان الجيران ما يشوفوها
قام جارو الكان شاف الغنماية طلع ليهو براحة وقال ليهو اسمع بعد جبت الهيئة
القومية دي ما تدينا الجنريتر الجوه داك
* * * *
واحد قام من نومه نص الليل على صوت الجيران بيصرخوا
قالوا في تسمم في خزانات الموية رجع البيت سألته زوجته
الحاصل شنو !!
قال ليها ما في حاجة .. اشربي ليك موية ونومي
* * * *
شايقي ورباطابي مسافرين الشايقي شايل أكل كتير
بالليل الرباطابي شايل معاهو بطانيه اتغطى وخلى الشايقي في
البرد الشايقي قعد يقول والله أنا عندي قراصة سمحة وفطير
ما في زيو وبلح كتير لكن ما جعان هسي اعمل بيهم شنو
الرباطابي قال ليهو اعمل بيهم سويتر
* * * *
واحد قال لمرتو : مساكين بنات لبنان دمرتهم الحروب .. والله لو كل
واحد ياخد واحده يكون أجرو كبير قالت : والله المساكين بنات
الصومال تلقى أجرهم أعظم
* * * *
مسطول جاتو فاتورة الموية مليون
قال أكيد الجماعة ديل كتبو مطرة أمبارح دي في حسابي
* * * *
سكران رجع البيت متأخر مرتو سالتو وين لي هسي !!
قال ليها كنت بلعب شطرنج قالت ليهو شطرنج شنو وريحتك عرقي
قال ليها يعني عاوزة ريحتي تكون شطرنج !!
* * * *
مسطول اشترى بي ام دبليو بمواصفات خاصة فيها الكمبيوتر يصلح
كل شي دقش الباب اليمين ، فرد الكمبيوتر: يا أيها الباب ارجع كما
كنت دقش الباب الشمال ، فرد الكمبيوتر يا أيها الباب ارجع كما كنت
عجبته الحكاية قام طار بالعربية من فوق الكوبري فرد الكمبيوتر: يا أيتها
النفس المطمئنة ارجعي إلى ربك راضية مرضية
* * * *
مسطول معاهو صاحبو مشي يخطب بت . .
قدمو ليه كباية شاي فيها (كيس ليبتون)
قال لي صاحبو : أها من قولة تيت مسوين لينا كواديك !!
* * * *
مسطول سطلة شديد سمع المعلق بقول فاول لصالح رونالدو ...
قال أول مرة أعرف انو رونالدو عندو ولد اسمو صالح.......
* * * *
مسطول شديد مشى سلاح المظلات .. قال ليهم داير أعمل مظلة للمرحوم الوالد وكده
* * * *
مسطول سمع دقة في باب البيت فتح الباب ما لقى زول
قال ده (مسكول) ولاشنو؟
* * * *
مسطول قال لي صاحبه أنا حلمان إننا بقينا فنانين ،،،
إنت فنان تشكيلي ... وأنا فنان أشكيلك
* * * *
مسطول وزنه زاد .. مشى للدكتور .. الدكتور نصحه يمشي كل يوم 3 كيلو ..
بعد إسبوع ضرب للدكتور قاليهو أنا في الحصاحيصا أواصل ولا أرجع
* * * *
واحد نام متأخر لقى الحلم بادي
* * * *
واحد مسطول عندو موبايل تلاتين عشرة جدعو في الكوشة لما
سألوهو ليه جدعتو في الكوشة ؟ قال ليهم عاوزو ينقلب إلى شيطان
* * * *
بت بلدياتنا خطيبها رسل ليها خطاب عاطفي وبين كل فقرة والثانية
كتب ليها آه.. آه.. ردت ليهو: كلامك حلو لكن واحد وخمسين دي ما عرفتها ؟ مصاريف ولا شنو ؟
* * * *
رباطابي دخل المستشفى سألوه : زيارة ؟ رد : لا عمره .

لقيتوني كيف ؟؟؟؟

ودحيدوب