حاجة عن الجمال

جمال مُنقطع النظير تسلم يا حبيب

طلحةحسن حاج علي كتب:الغـنا والـنـمـيـــم لـيـك ياحـبـيـبــة بسوقو
ودنـديـن الــكــلام جـــوايـا عامــر سوقو
يا روحي وغناي طاوعوني ارسو وروقو
خلوني النوصف زول بــمــوت بي شوقو

آه انــا يانسيـم مشتــاق اقـبـــل ايدا
وبي حنية اقوم اربط عقد في جيدا
بت بت الملوك بهجة سنيني وعيدا
فرشت قلبي حنية وسماحة وريــده

عيان يا طبيب وشفايا فـــي الهالكاني
معسولة البنات البي الحنان غامراني
مـلـيـان بـيـها لـي حد الشقف مالياني
آه انا يا طبيب مـــا ذبت من احزاني

حندكت الــزمـن بي بــسمتك اغريتو
شان ما كل يوم لي احزاني يفتح بيتو
كــوركت ومشيت جواك غناي دسيتو
هـــزيت الفروع صفق الاسف حتيتو

لـــو جـابـو الجـمال جمعوهو كلو يقيسو
بيك يا (الهادله)انتي بـدا الجمال تاسيسو
الناي جاك سرق من فاهك انتي حسيسو
والليل بي ابتهاج اهــداكــي جـدلة ديسو

والله العظيم يا (هادله) ريدك جاري
ما بين الضلوع فتحلو الف مجــاري
الخلاني فوق حسنك نظمت اشعاري
عينيك والقوام والوجنه فيها وداري

أه يا طلحه فتقته الجروح الغايره
وأه من لفتتو ونورة جبهتو الدايره
أه أنا من جمال جيدو وخدودو النايره
أهين من دلالو ومن نَظِرتو الجايره
***
بعد الشيب نقر هبش الدواخل شابت
لامس نمك أطراف القلوب الدابت
الزايد علي عِلاتى يوم ما طابت
عُدت الليله سيرتو ألحقنى يا سيد طابت
***
أمس العصر جانى أبسبيباً قايدو
رج أعضايه رج قلبى إنتكس لعوايدو
بوريك المنفل يا نديمى فوايدو
إرد الروح إفوق القبلو والجو طرايدو
***