منوعات ,, جديد عثمان المبارك

مالك يأمير الكلمه صامت حرفك
زي ماك عارف الصهب الحروف بتعرفك
شوفن شفتو لو كان طرفو واقع طرفك
كان عمرت لي قنص الشوارد ظرفك


كلما رف قبلي تملي داق أجراسك
أولى المتلك يصبر للبجن ويتماسك
تصبر ولا تنطحلك جدار بي راسك
أصلو البيك مسطر وجاي قدر مقاسك


رق وراق وأعتل النسيم من أجلي
عطر جوفو من حب الندى وعرجلي
محي اللونو من دهب البراتي المجلي
قنب في منامي وصحوي يتوهجلي


كلما أعكم الشوق في ضميري وأغمتو
تسلطلي فرفارتن تمزق صمتو
يجيرني المولى في وضعا براي أزمتو
متابك في المشيب بعد الشباب قسمتو


أعراضا شعر بها في صباي وطبت
بقت تعتادني يالريح بعدما شبت
سروج أوهامي شديتن جديد وطربت
زميت إيدي لي عد النجوم وركبت