سف وقارن بين الكيف والسرطان
2 مشترك
صفحة 1 من اصل 1
سف وقارن بين الكيف والسرطان
بصراحه قريت كتير عن مضار السعوط او التمباك وما عايزه ابدا ليكم بتعريفو وما في داعي ابراكم بس يكفي انو يحتوي على اكتر من 28ماده مسرطنه و واحد من مكوناته الفورمالدهيد البحفظو فيها الجثث وبسبب كميه من السرطانات اهمها سرطان الفم والحلق والبلعوم وانتشاره للمناطق المجاوره لهذه الاعضاء ودا غير البقع ذات الالوان المتعدده العندها القابليه للتحول لسرطان وبرضو انحسار الاسنان عن اللثه وتغير رايحة الفم ياخي هو زاتو في الخشم شكلو ما شين دا الضبان ما برك فيهو دا غير تقزز المحيطين بيك دا طبعا للزول الدمو تقيل ما بهمو ياخي لو ما خفت على نفسك وعملت خاطر لاسرتك ما خايف من ربك التمباك محرم بالاجماع في واحدين يقولو ليك اليوم واحد ااااااااي اليوم واحد لكن عيش حياتك وانت متعافي بلاش تعاند ويجي عليك يوم حيث لا يجدي الندم وتكون نظرة الحواليك كلها شفقه وعطف لو اصبت بالسرطان حماك الله ما ح تسلم من المه ومن تشوهات الجراحه والم العلاج الكيماوي والاشعاعي كفاكم لحدي هنا وفي الختام بقول ليك يا انت يا الشاغل بالنا وفؤادنا ما تجبر بخاطرنا وتبطل تسف
SOMAIA- عضو
- عدد المساهمات : 1
تاريخ التسجيل : 19/11/2010
العمر : 42
رد: سف وقارن بين الكيف والسرطان
نشكرك كتير يااخت سميه على هذا الموضوع الجميل واتمنى ان يهدى الله جميع إخواننا وشبابنا وابناء المسلمين جميعاً خصوصاً فى هذا الزمن الذى انتشرت فيه الامراض والله الزول بقى يخاف لو جاه صداع يمكن يتقلب سرطان حمانا الله اللهم اشفى الجميع .
amany- وسام الأوفياء
- عدد المساهمات : 70
تاريخ التسجيل : 11/04/2010
الموقع : السودان ـ الحاج يوسف
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى