زمن الفيس بوك
3 مشترك
صفحة 1 من اصل 1
زمن الفيس بوك
كلمات: حاتم حسن الدابى
مهما هربنا من واقعنا..خلاص صبح الزمن مقلوب
دة الماذينا والموجعنا..وبقينا نسوي فى الحي ووب
كل ما نقول عدلنا وضعنا..نلقاهو الوضع مخروب
للموضات ترانا تبعنا..أدمنا وغلبنا نتوب
لما الهم مسك شارعنا..وكلنا قلنا فيهو الروب
اليوم الشباب في محنة..بين البدعة والمرغوب
قالو ثقافة بتفتحنا..وتتقلب الثقافة ذنوب
إرث اجدادنا ياهو سمحنا..تقاليد دينا هى الاسلوب
اسع منهن وين نحنا..حسينا الفقد يادوب
وما عارفين محل صالحنا..لا راكبين ولانا اقروب
وين ابواتنا اهل الحارة..اهل العمى والمركوب
والعراقى دمورية...وجاري وراهو سربادوب
ديل ربونا بالطورية..والعرق الدوام مصبوب
ترباة الاسر دينية..رزقا بالحلال مجلوب
حليل اماتنا امات طرقى..الفردى ولباس التوب
نار الدوكى والمشاطة..والواقود ورود الموية ليهو دروب
حش القش تحت فى الساقى..رفع الجدول المخروب
زمن المحفضة المندلى..واصل سيرة للعرقوب
حل علينا زمن كلو..ضيق ولبس مكروب
الولد والبت فد خلقى..وكل زول عن رفيقو ينوب
لبسة(حبيبى شطفنى)(ادينى حقنة)(وداق سستم) المحبوب
وشبشب قالو اسمو(الليزر) زي شقيانة العروب
بناطلين جنز(اخراج موية)..مفتوحة وملانى هبوب
وتلقى الشاب معلم الله..وفى الشى اللابسو عشرة جيوب
وحدث لا حرج فى الشارع..اجساد لا فهم لا قلوب
لا تقدير اهل لا خجل..حبيبة وماسكة فى محبوب
مجلبطة وشها وماسحاهو..كل كريم براهو يذوب
واي كريم مغالط التانى..انو هو وحدو المطلوب
وسبحان الله شفتو الحكمة..الوش زي كمينة الطوب
والروج والرموش بي غادى..كل تلاتة عاملى قروب
زمنكم يازمان الدسكو..زمان جاكسون وزمان البوب
زمن مافيهو حتى ثقافة..عن عنتر ولا شيبوب
زمن الدادا ماما وبابا..لا حبوبة ولا حبوب
ماحضرتو اللعب فى القمرة..طول الليل تصول وتجوب
واسع يازمن علمنا..قول اكشفلنا المحجوب
يازمن(البلى استيشن)..الدجتال أو الحاسوب
ايميل ولا انترنت..واليوم كلو فى اللابتوب
الفيس بوك مع الماسنجر..واخر صيحة فى اليوتيوب
sms من الموبايل..حليل زمن الخطاب مكتوب
راح زمن اللبن بالكسرة..وتحلية الفطيرة بالروب
والقراصة كمين بوصة..تخليك للعصر مكروب
بصلة وشطة بي ليمونة..يسيل عرقك تقول مصبوب
اسع جانا زمن البيرقر..وفيهو تمصر الكاتشوب
وكيفن هى البلد ما بتفقر..إذا جات فيها وجبة حبوب
زمان كان الحليب من امو..والقنانة فوقو تذوب
كان ناقصنا كلو يتمو..كان ماكلنو كان مشروب
اسع جانا(بست)(كابو)..وخلينا الصحن والكوب
بعد صبح الشطر كيس نايلون..مفتوح وبالطرف مثقوب
ليكم حق زمنكم ذاتو..فرق الناس شمال وجنوب
زمنا فيهو ما انطامنا..عدا وطنا كلو حروب
ارجعو لى ورا عيدوهو..عز اجدادكم المسلوب
عيدو الهيبة لى سوادنا..ليسلم مايعيش مرعوب
امرقو من زمن يحتاج..عُمر نوح ومال قارون وصبر ايوب
مهما هربنا من واقعنا..خلاص صبح الزمن مقلوب
دة الماذينا والموجعنا..وبقينا نسوي فى الحي ووب
كل ما نقول عدلنا وضعنا..نلقاهو الوضع مخروب
للموضات ترانا تبعنا..أدمنا وغلبنا نتوب
لما الهم مسك شارعنا..وكلنا قلنا فيهو الروب
اليوم الشباب في محنة..بين البدعة والمرغوب
قالو ثقافة بتفتحنا..وتتقلب الثقافة ذنوب
إرث اجدادنا ياهو سمحنا..تقاليد دينا هى الاسلوب
اسع منهن وين نحنا..حسينا الفقد يادوب
وما عارفين محل صالحنا..لا راكبين ولانا اقروب
وين ابواتنا اهل الحارة..اهل العمى والمركوب
والعراقى دمورية...وجاري وراهو سربادوب
ديل ربونا بالطورية..والعرق الدوام مصبوب
ترباة الاسر دينية..رزقا بالحلال مجلوب
حليل اماتنا امات طرقى..الفردى ولباس التوب
نار الدوكى والمشاطة..والواقود ورود الموية ليهو دروب
حش القش تحت فى الساقى..رفع الجدول المخروب
زمن المحفضة المندلى..واصل سيرة للعرقوب
حل علينا زمن كلو..ضيق ولبس مكروب
الولد والبت فد خلقى..وكل زول عن رفيقو ينوب
لبسة(حبيبى شطفنى)(ادينى حقنة)(وداق سستم) المحبوب
وشبشب قالو اسمو(الليزر) زي شقيانة العروب
بناطلين جنز(اخراج موية)..مفتوحة وملانى هبوب
وتلقى الشاب معلم الله..وفى الشى اللابسو عشرة جيوب
وحدث لا حرج فى الشارع..اجساد لا فهم لا قلوب
لا تقدير اهل لا خجل..حبيبة وماسكة فى محبوب
مجلبطة وشها وماسحاهو..كل كريم براهو يذوب
واي كريم مغالط التانى..انو هو وحدو المطلوب
وسبحان الله شفتو الحكمة..الوش زي كمينة الطوب
والروج والرموش بي غادى..كل تلاتة عاملى قروب
زمنكم يازمان الدسكو..زمان جاكسون وزمان البوب
زمن مافيهو حتى ثقافة..عن عنتر ولا شيبوب
زمن الدادا ماما وبابا..لا حبوبة ولا حبوب
ماحضرتو اللعب فى القمرة..طول الليل تصول وتجوب
واسع يازمن علمنا..قول اكشفلنا المحجوب
يازمن(البلى استيشن)..الدجتال أو الحاسوب
ايميل ولا انترنت..واليوم كلو فى اللابتوب
الفيس بوك مع الماسنجر..واخر صيحة فى اليوتيوب
sms من الموبايل..حليل زمن الخطاب مكتوب
راح زمن اللبن بالكسرة..وتحلية الفطيرة بالروب
والقراصة كمين بوصة..تخليك للعصر مكروب
بصلة وشطة بي ليمونة..يسيل عرقك تقول مصبوب
اسع جانا زمن البيرقر..وفيهو تمصر الكاتشوب
وكيفن هى البلد ما بتفقر..إذا جات فيها وجبة حبوب
زمان كان الحليب من امو..والقنانة فوقو تذوب
كان ناقصنا كلو يتمو..كان ماكلنو كان مشروب
اسع جانا(بست)(كابو)..وخلينا الصحن والكوب
بعد صبح الشطر كيس نايلون..مفتوح وبالطرف مثقوب
ليكم حق زمنكم ذاتو..فرق الناس شمال وجنوب
زمنا فيهو ما انطامنا..عدا وطنا كلو حروب
ارجعو لى ورا عيدوهو..عز اجدادكم المسلوب
عيدو الهيبة لى سوادنا..ليسلم مايعيش مرعوب
امرقو من زمن يحتاج..عُمر نوح ومال قارون وصبر ايوب
طلحةحسن حاج علي- وسام الأوفياء
- عدد المساهمات : 153
تاريخ التسجيل : 19/02/2010
العمر : 43
الموقع : منتديات أبودليق
رد: زمن الفيس بوك
قصيده فيها تجسيد للواقع
ياهو الحاصل
ياهو الحاصل
siddig eltai- وسام الأوفياء
- عدد المساهمات : 64
تاريخ التسجيل : 20/07/2011
رد: زمن الفيس بوك
طلحةحسن حاج علي كتب:
زمن المحفضة المندلى..
يا أبو حسن يا دائما متفرد وبتجيب الحاجات الغايسة
والله حقيقة إبداع متناهي ، وهذا لسان حالنا يقول
نسأل الله السلامة ، وربنا يحفظ ولايانا
ويا حليل الصور الجميلة لأيام زمان زمن الحبوبات
(زمن المحفظة المتدلية واصلة للعرقوب)
والله حقيقة إبداع متناهي ، وهذا لسان حالنا يقول
نسأل الله السلامة ، وربنا يحفظ ولايانا
ويا حليل الصور الجميلة لأيام زمان زمن الحبوبات
(زمن المحفظة المتدلية واصلة للعرقوب)
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى