انت وين
صفحة 1 من اصل 1
انت وين
انت وين والناس بتسال
... الحبيب مو جاي باكر !!
والوطن من غير عيونك ..
لاهو طيب ولاهو عامر
واي زول في الحلي فاقدك ..
والعيون تبكي وتساهر
الضليل حتة مقيلك ..
الفناجين والبنابر
الحيط جيرا المغبش ..
ختة ايدك فيها ظاهر
وظاهر اكتر فوق كتوفنا..
يوم مقالدنا ومسافر
***
انت وين يازول فقدتك ..
ياقمر ليلنا وضياهو
ياغنانا الكان بردد ..
في فضا الايام صداهو
اشتهـيناك والله شاهد ..
وشوقنا واصل منتهاهو
من رحلت وراكا راحل..
قلبي في عتمة هواهو
***
مرة واحدة حلمت بيكا ..
جيت وبالاحضان تسالم
ياكا ذاتك بي صفاتك ..
جيتا طيب وجيتنا سالم
همبريب الحلي جاها ..
وهبهبت تاني النسايم
كنت وين والشوق كتلنا ..
قاسي قلبك ضُمة ظالم
انت روحنا ونور عيوننا..
وانت كُلنا والله عالم
***
اما عني وسر هوايا ..
ليلي والشوق و الاماني
ابكي لامن روحي تمرق ..
واحردك وواهواكا تاني
واستريح في الذكري واطري ..
هجرتك كانت عشاني
وريدك العلمني اطلع ..
قمة الحب والتفاني
... الحبيب مو جاي باكر !!
والوطن من غير عيونك ..
لاهو طيب ولاهو عامر
واي زول في الحلي فاقدك ..
والعيون تبكي وتساهر
الضليل حتة مقيلك ..
الفناجين والبنابر
الحيط جيرا المغبش ..
ختة ايدك فيها ظاهر
وظاهر اكتر فوق كتوفنا..
يوم مقالدنا ومسافر
***
انت وين يازول فقدتك ..
ياقمر ليلنا وضياهو
ياغنانا الكان بردد ..
في فضا الايام صداهو
اشتهـيناك والله شاهد ..
وشوقنا واصل منتهاهو
من رحلت وراكا راحل..
قلبي في عتمة هواهو
***
مرة واحدة حلمت بيكا ..
جيت وبالاحضان تسالم
ياكا ذاتك بي صفاتك ..
جيتا طيب وجيتنا سالم
همبريب الحلي جاها ..
وهبهبت تاني النسايم
كنت وين والشوق كتلنا ..
قاسي قلبك ضُمة ظالم
انت روحنا ونور عيوننا..
وانت كُلنا والله عالم
***
اما عني وسر هوايا ..
ليلي والشوق و الاماني
ابكي لامن روحي تمرق ..
واحردك وواهواكا تاني
واستريح في الذكري واطري ..
هجرتك كانت عشاني
وريدك العلمني اطلع ..
قمة الحب والتفاني
طلحةحسن حاج علي- وسام الأوفياء
- عدد المساهمات : 153
تاريخ التسجيل : 19/02/2010
العمر : 43
الموقع : منتديات أبودليق
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى