روائع ابوداؤود..أنّة المجروح

انة المجروح
يا روح حياتك روح
الحب فيك يا جميل
معنى الجمال مشروح
الحب لهيب في الجوف
زي الزناد مقدوح
منو الجبابرة تلين
ولصوتك المبحوح
تفضل معاه تدوح
من نقمة الاشواق
ومحاسن الممدوح
حورية في السودان
بحبي ليك ابوح
يا عنب جناين النيل
ياجميل وصبوح
وانشد فؤادي الضال
بين الرياض مذبوح
ارى الهلال في ظلال
تلك الخميلة ينوح
انا لوضمنت رضاك
اكون سعيد ممنوح
يا من تسر رؤياك
وفرحت ناسي النوح
تكسو الجلال ببهاك
خديك جمال ووضوح
منو الغزالة تقل
وجبينك المطروح
الحب فيك يا جميل
معنى الجمال مشروح
ناير كحيل نعسان
انسان رقيق وجموح
سحر العيون بجمال
في سواك ما ملموس
عدل الطبيعة جعل
ظلم الحبيب مسموح
انا اهدي ليك الحب
حب من فؤاد مجروح
حب الشحيح للمال
حب الجبان الروح