روائع ابوداؤود..جاهل وديع

جاهل وديع
جاهل صغير مغرور
ياحلاة صباه نايم خلي
ومسرور
ما عرف الهوى
في سورو داخل سور
في روض الزهور
غنوه فصول في فصول
الجمال مقصور
اخلاق الربيع
في هيبة المنصور
باهي الدلال موفور
محجول الخدود
ماه الخليع وسفور
زاد في نفور ونفور
واصبح قلبي
في ايدو اليمين
عصفور
لو ينفع المحذور
مالي ومال هواه
الضامر المكسور
قاسي ومنيع مكجور
لكن دابو تاق
هلّ الهلال في حجور
متقلب حجول
لافح ايثار في جور
مابرحم المهجور
ماسور الجمال
راضي بحكم الجور
ناعس لواحظ وحور
مثلي كم مسحور
فاق الحسان الحور
في خدو زهور
زاهية وجوارة بحور
جاهل صغير مغرور
ما عرف الهوى
وديع مغرور مغرور


*********

من زمان
من زمااااااان
من زمن مستني عودة قلبي
راحل
كنت اكتب ليهو بي دمي
الرسايل
قلت فيهو غناي
واتعذب ضميري
كلو يفيض حنان
حنان يغمر ضهوري
وكل حرف كتبتو
من اعماق شعوري
افتكرتو يرد رسالتي
يرد يطمني
ما خطر في بالي
يهجرني بعتابو
وينسى اول مرة
انا اغراني بشبابو
وكل ما اتدندن يزيد
اعجابي بيهو
كنت شايف الجنة
في نظرات عينيهو
وكل اسباب السعادة
الكنت اتمناها ليهو
كان جميل منقلبو
لو يرحم عذابي
الدليل انا شايفو
عايش في خطابي
كل ايام عمرو
لحظاتو الهنية
حاول يخفي شعورو
بيدلل علية
من زمان