مـسـامـحـك

مسامحك يا حبيبي
مهما قسيت عليّ
قلبك عارفو ابيض
وكلك حُسن نية
ماخطرت لقلبي
سلوى تحيدو عنك
ما ممكن اعاتبك
وياخد خاطري منك
انا عارف خصامك
وغضبك في كلامك
مامن جوة قلبك
ظلموني القالو عني
غيرني البعاد
وحياة نور جمالك
ذاتك لي ذات
اصبح شوقي اكتر
وحبي عندي اكبر
واملي في هواك
نامي ولسة اخضر
اسال عني طيفك
زكراكم شهود
ياما اشتقت ليك
ورجيتك لو تعود
وحشتني الابتسامة
عيونك في كلاما
تضاري في اشتياقا
وتفضح في سلاما
سيان عندي عدلك
او جورك عليّ
تكاد لو تداري
حبك بادي ليّ
بترجع لي تاني
وتسال عن مكاني
وتجدني زي ما كنت
واقف في هواك