كان بتحب ابودليق ادخل هنا

والله العظيم بحبها حب اعمي بس شكلو الحب دا من طرف واحد انا كل ما ادخل المنتدي دا القاهو فاضي العنكبوت بانيه فيهو ما عارف الناس ديل بمشو وين

حجر الصاقعة أخوي الكسل حاصل ، بس أنا ما حأقيف من المساهمات في هذا المنتدى حتى لو مافي واحد بيدخل حتى يشاهد بس ناهيك عن أنو يساهم بمساهمة أو مشاركة ، لكن تأكد يا حجر الصاقعة أخوي أنو حيجي يوم والناس الطيبة كلها تجي وتساهم فيه وبقوة المهم عدم اليأس .
موافقني وللا شنو ؟ أرجو عدم اليأس والمشاركة حتى لو في الأسبوع كلو مساهمة واحدة فقط .
أخوك / أحمد الصديق طلحة
ود حيدوب

يا هلا وغلا الأخ مصعب (أبوعمر) وشكراً على مرورك ومناشدتك للأعضاء وأبناء المنطقة ، عايزين نطلب منك يا أبوعمر بس مساهمة واحدة أو مساهمتين في الأسبوع كله ، ما أظنها صعبة .
تسلموا يا شباب

أخوكم
ودحيدوب

الله يخلى الشباب ويقوى الهمه ولا حياة مع اليأس ولا يأس مع الحياه شوف المنتدى الآن أصبح ماشاء الله فيه مواضيع لاتجدها فى أفخم المنتديات المهم تعاون الجميع - والله الموفق

بالتوفيق الباش مهندس ورفاقة ربنا يعينكم البنيان من طوبه ومشوار الميل بيبدأ بخطوه مواضيع منتداكم هادفه وحلوه بتخدم وتطور الجيل الاتي انتوا البذره الاولي الشباب بيجوا اطمأنوا ناس ابودليق بيحبوها شديد وهي ظروف الحياه والشبكه وظروف الناس والعولمه في بداياتها مع امنياتي لكم بالتوفيق والسداد .

ياشباب السواى ما حداس خدمه ابودليق مافى المنتدى خدمه ابودليق فى العمل الجهات العليا من قيادات ونظارات وماشابه ذلك زمان شيخ محمد الذى ذهد فى الاراضى والمال كان لما يذكرو التعليم اول كنب مدارس بيتشحن بالورى لى ابودليق
وبحرى والخرطوم قاعدين فى التراب صح ولا ما صح ليه
لانو بيحب طلاب ابودليق المشاكل كان بيحلها وهوبشرب فى القهوه ليه لانو زهد فى المال والدنيا والاراضى والسيارات
وكل عفن الدنيا الذائل ما كان بشتغل شغل شوفونى
-الان مقاعد الجامعات التى تمنح لفقرا منطقه ابودليق ياخذها
اغنى اغنيا البلد لماذا.......؟
-مستشفى ابودليق اذا داير تولد ذوجتك الا تجيب معاك البنج فى
ايدك وتجى واحتمال النجاح واحد من عشره فى الميه لماذا..؟
- فى جنوب دارفور ما بنشلوا المويه بشربوا بالماسوره وابودليق حله الشيخ طلحه الى الان مافيها ماسوره واحده محل النظاره لماذا....؟
لااريد ان اقول اكثر من ذلك واريد افكركم بمحل التقدم والاذدهار
الحكومه وحدها لاتستطيع ان تفعل شيئا ولا النظاره تستطيع ان تفعل شيئا وحدها ولاشعب ابودليق ايضا ولكن لتجتمع القوى
وتتقدم الى الامام فالشباب اولا ثم الذى يليه ثم ..ثم....
وانتم تعلمون كل شى فلا تتوهمون بخدمه هذه البلد

ولكم جزيل الشكر واذا كان فى واحد هبشو راس السوط
لايواخذنى لانى والله لا اضمر شى فى قلبى بقدر ما اريد
تقدم المنطقه..العفو والعافيه...